13 NOV (Aaj Ki Hadees) - Deeni Maamool Ko Chordna Achhchi Baat Nahin Hai

13 November  Daily Islamic Message (DISM)  

Aaj Ki Hadees
Hazrat 'Abdullah Bin 'Amr Bin 'Aas Raziyallahu Anhuma farmaate hain ke Rasulullah ﷺ ne mujhse irshaad farmaaya: 'Abdullah! Tum falan ki tarah mat hojana ke wo raat ko tahajjud padha karta tha, phir tahajjud chord di. (Bukhari: 1152)
 
Faida: Matlab yeh hai ke bila kisi uzr ke apne Deeni maamool ko chordna achhchi baat nahin hai. (Mazahir-e-Haqq)

Share on: Email | Telegram | WhatsApp
Share Youtube Link on: WhatsApp

12 NOV (Aaj Ki Hadees) - Ishraaq ki Namaaz

12 November  Daily Islamic Message (DISM)  

Aaj Ki Hadees
Hazrat Mu'az Bin Anas Juhani Raziyallahu Anhu se riwaayat hai ke Rasulullah ﷺ ne irshaad farmaaya: Jo shakhs fajr ki Namaaz se faarigh hokar usi jagah baitha rehta hai, khair ke alaawa koi baat nahin karta, phir do rakaat Ishraaq ki Namaaz padhta hai, uske gunaah mu'aaf ho jaate hain, chaahe wo samundar ke jhaag se zyaada hi hon. (Abu Dawud: 1287)
Share on: Email | Telegram | WhatsApp
Share Youtube Link on: WhatsApp

11 NOV (Aaj Ki Hadees) - Khoob Kasrat Se Sajde Kiya Karo

11 November  Daily Islamic Message (DISM)  

Aaj Ki Hadees
Hazrat 'Ubadah Bin Samit Raziyallahu Anhu se riwaayat hai ke unhon ne Nabi Kareem ﷺ ko ye irshaad farmaate hue suna: Jo banda bhi Allah Ta'ala ke liye sajda karta hai, Allah Ta'ala uski wajah se zaroor ek neki likh dete hain, ek gunah mu'af farmaadete hain aur ek darja buland kardete hain. Lihaaza khoob kasrat se sajde kiya karo (yani Namaaz padha karo). (Ibne Maaja: 1424)
Share on: Email | Telegram | WhatsApp
Share Youtube Link on: WhatsApp

10 NOV (Aaj Ki Hadees) - Sajde Ki Haalat Mein Apne Rabb Ke Sabse Zyaada Qareeb Hota Hai

10 November  Daily Islamic Message (DISM)  

Aaj Ki Hadees
Hazrat Abu Hurairah Raziyallahu Anhu se riwaayat hai ke Rasulullah ﷺ ne irshaad farmaaya: Banda Namaaz ke dauraan sajde ki haalat mein apne Rabb ke sabse zyaada qareeb hota hai, lihaaza (us haalat mein) khoob dua'ein kiya karo. (Muslim: 1083)
 
Faida: Nafil Namaazon ke sajdon mein khaas taur par duaa'on ka ehtemaam karna chahiye.

Share on: Email | Telegram | WhatsApp
Share Youtube Link on: WhatsApp

09 NOV (Aaj Ki Hadees) - Ibne Aadam Sajde Ki Aayat Tilaawat Karke Sajda Karleta Hai

09 November  Daily Islamic Message (DISM)  

Aaj Ki Hadees
Hazrat Abu Hurairah Raziyallahu Anhu se riwaayat hai ke Rasulullah ﷺ ne irshaad farmaaya: Jab Ibne Aadam sajde ki Aayat tilaawat karke sajda karleta hai, to shaitaan rota hua ek taraf hatt jaata hai aur kehta hai, haaye afsos! Ibne Aadam ko sajda karne ka hukm diya gaya aur usne sajda kiya to wo jannat ka mustahiq ho gaya aur mujhe sajda karne ka hukm diya gaya aur maine sajde se inkaar kiya to main jahannam ka mustahiq ho gaya. (Muslim: 244)
Share on: Email | Telegram | WhatsApp
Share Youtube Link on: WhatsApp